اسلام آباد۔ 30 جنوری (اے پی پی) خصوصی عدالت سائفر کیس اٹی بانی پی ٹی آئی عمران خان و شاہ محمود قریشی ءِ 10،10سال قید بامشقت نا سزا بنفے۔ آفیشل سیکرٹ ایکٹ انا رداٹ جوڑ خصوصی عدالت نا جج ابولحسنات ذوالقرنین گونڈ ءُ فیصلہ اس بنفے، داوخت آ بانی پی ٹی آئی و شاہ محمود قریشی ہم کمرہ عدالت اٹی ساڑی ئسر۔ داوخت آ بانی پی ٹی آئی و شاہ محمود قریشی بیان تسر کہ ننا وکیل آک ساڑی افس نن امر بیان ءِ ریکارڈ کرفنہ؟ جج ابولحسنات ذوالقرنین بانی پی ٹی آئی و شاہ محمود قریشی ءِ پارے کہ نما وکیل آک حاضر مفننگ ءُ نمے سٹیٹ ڈیفنس کونسل فراوان کننگا۔ اوکان پد اوفتا 342 نا بیان کمرہ عدالت اٹ ریکارڈ کننگا۔ عدالت سماعت آن پد کیس انا فیصلہ ءِ بنفسا پارے کہ سائفر کیس اٹ بانی پی ٹی آئی و شاہ محمود ءِ 10، 10سال قید بامشقت نا سزا بنفنگک۔
