سیالکوٹ۔ 29 جنوری (اے پی پی) مرکزی راہشون پاکستان مسلم لیگ (ن) و اومیتدار حلقہ این اے 71 خواجہ محمد آصف پارینے کہ ملک اٹی ہراتم کہ مسلم لیگ (ن) نا حکومت بس ملک شون ہلک، مسلم لیگ (ن) برسر اقتدار برسا ملک و قوم انا شونداری و شونہالی نا پوسکن آ دور انا بناءِ کیک۔ داخیال آتا درشانی ءِ او تدوک آ نن آ یونین کونسل دوبرجی آرائیاں ٹی گچین کاری جلسہ غان تران کرساکرے۔ اوپارےکہ ملک اٹی ہراتم مسلم لیگ(ن) نا حکومت بس ملک شون ہلک، تعلیمی ادارہ غاتون اوار پین ادارہ جوڑ مس، یونیورسٹی جوڑ مس، موٹروے ہم جوڑ مس ہراڑآن گھنٹہ غاتا فاصلہ منٹ آتیٹی طے مننگ ءِ۔ اوپارے کہ شار سیالکوٹ اٹی اسہ ہی وونٹ ءِ ، اومسلم لیگ (ن) و شیر انا ءِ۔ اوپارےکہ نن دا شار اٹی سڑک آتون اوار ایلو ویل آتے مون آتخسا تینا قائد ءِ گچین کروئی ءِ۔ خواجہ محمد آصف نا پاننگ ئس کہ محمد نواز شریف شار اقبال نا باتی تے موٹروے نا ٹیکی تس۔
