ریاض۔ 29 جنوری (اے پی پی) سعودی وزارت سیل و سوات پارینے کہ مکہ مکرمہ ٹی پرمٹ آن بیدس کاروبار کروک آ 288 ہوٹل آتے سیل کننگا۔ اخبار 24 نا رداٹ وزارت سیل و سوات نا جاست پاستی انسپکٹرز مکہ مکرمہ ٹی ہوٹل آتیا پانزدہ ہزار آن زیات وزٹ کرے ہراٹی 283 ہوٹل آتے سیل کننگا۔ جاست وپاستی عمل اٹی چار ہندن ءُ ہوٹل ریکارڈ آ بس ہرافتے چندی خلاف ورزی تا بنداو آ سیل کننگاسس و او بیدس پرمٹ نا دُوارہ کاروبار کننگ نا بناءِ کریسر۔ کانود سیل و سوات نا رداٹ دا ہوٹل آتا برخلاف سخت کارروائی کرسا اوفتے دگنی سزاتننگا۔ وزارت سیل و سوات نا رداٹ بروک آمنہ دے اٹی سیل کروک آ غٹ ہوٹل آتیٹی جاست وپاستی کارروائی کننگک تانکہ جاری کروک سزا آ عملدرآمد ءِ پک کننگ مرے۔ وزارت پارے کہ جاست وپاستی کمیٹی ہراہوٹل ءِ ہم سیل کننگ نا فیصلہ کیک اودے دمدستی وڑاٹ بند کننگک ۔ اوپارے کہ غٹ کارروائی تے مکہ مکرمہ گورنریٹ و پولیس نا کمک اٹ کننگک۔
