راولپنڈی۔ 29 جنوری (اے پی پی) اے این ایف منشیات اسمگلنگ نا برخلاف 8 کارروائی تیٹی 592 کلوگرام منشیات دوئی کرسا7 دوبہ دارآتے دزگیرکننگا۔ اے این ایف ترجمان نا رداٹ سیالکوٹ بالی پٹ آن بحرین آ ہنوک آ مسافر اسے آن 2 کلوگرام آئس دوئی کننگا۔ لاہورایئرپورٹ آ جدہ غا ہنوک آ مسافر نا پڈ آن 64 آئس کیپسول دوئی کننگا۔ گاہی چوک کوئٹہ نا خڑک دوبہ دار اسے آن 284 کلوگرام چرس دوئی کننگا۔ کچلاک پشین اٹی خالی ءُ اُراسے آن 150 کلوگرام ہفیم و 150کلوگرام مارفین دوئی کننگا۔ اقبال شہید ٹول پلازہ اٹک نا خڑک دوبہ دار اسے آن 4 کلوگرام چرس دوئی کننگا۔ جی ٹی روڈاٹک نا خڑک دوبہ داراسے آن 1 کلوگرام چرس دوئی کننگا۔ بنوبائی پاس کوہاٹ نا خڑک دوبہ دارا سے آن 1 کلوگرام چرس دوئی کننگا۔ موٹروے اسلام آباد نا خڑک اسہ زالبول اسے آن 500 گرام ہیرون و 350 گرام آئس دوئی کننگا۔ ترجمان اے این ایف پارے کہ دزگیر دوبہ دار آتا برخلاف منشیات تور ایکٹ نار داٹ مقدمہ درج کرسا جاست وپاست نا بناءِ کننگانے۔
