اسلام آباد۔ 29 جنوری (اے پی پی) پاکستان و ایران امن و شونہالی نا مسخت آتا دوئی کننگ کن تین پہ تینی شرف و اسیجائی چیلنج آتون مون تننگ کن اجتماعی نقطہ نظر نا بنداو آ کاریم کننگ آامناکرینو۔ دا امنائی سلاہ نگران وزیرخارجہ جلیل عباس جیلانی و ایرانی وزیرخارجہ حسین امیر عبداللہیان نا نیام اٹ دوشنبے نادے آ داڑے وزارت خارجہ ٹی اوڑدہی ٹی پک مس۔ ترجمان دفترخارجہ نا رداٹ ہڑتوم آ وزیرخارجہ غاک پاکستان و ایران نا نیام اٹ ہڑتوم آ کنڈآتا کمکاری آ گپ وتران کریر۔ اوہڑتو م آ کنڈآتا تعلقداری ءِ مثبت وڑاٹ مون آ دننگ کن سوگو مکالمہ و کمکاری نا اہمیت آ زور شاغار۔ داوخت آ ہڑتوم آ فریق آک امن وشونہالی نا درکار مسخت آتا دوئی کننگ  کن تین پہ تینی شرف نا بنداوآ و اسیجائی چیلنج آتون مون تننگ کن اجتماعی نقطہ نظر نا بنداوآ کاریم کننگ آ امنا کریر۔

متعلقہ مضامینمصنف کی طرف سے مزید