اسلام آباد۔ 29 جنوری (اے پی پی)نگران بنجائی وزیر حوالکاری، شینکاری و پارلیمانی امور دوشنبے نادےآ چیئرمین پیمرا محمدسلیم بیگ نا بھلا ایلم ظفربیگ نا کزیت آ ہڑزخواہی کن چیئرمین پیمرا نا دفترآ ہنا و چیئرمین پیمرا محمد سلیم بیگ نا ایلم نا کزیت آ ہڑزخواہی کرے و ایماندار نا روح انا ثواب کن دعاپاتیاکرے۔ داوخت آ گپ وتران کرسا بنجائی وزیر حوالکاری پارے کہ چیئرمین پیمرا نا ایلم ظفربیگ نا کزیت نا خبرنا بنگٹ بھاز است ہسون مس، ایماندار نا کزیت پدسلوک آ خاہوت کن بھلو صدمہ و بے بدل ءُ نسخان اسے ہرادے مُد آتیا پورو کننگ مفک۔ مرتضیٰ سولنگی پارے کہ دا مشکل ساہت اٹی پدسلوک آ خاہوت نا غم و ڈکھیائی ٹی بریبر نا شریک اُن۔ بنجائی وزیر حوالکاری دعاکرے کہ اللہ تعالیٰ ایماندار ظفربیگ ءِ جنت الفردوس اٹی بڑزکو ہند اس و غٹ خاہوت ءِ صبر وجمیل عطاکے۔
