اسلام آباد۔ 29 جنوری (اے پی پی) ایران نا وزیر خارجہ حسین امیر عبداللہیان نگران وزیرخارجہ جلیل عباس جیلانی نا سلہ غا دوشنبے ناسہب اتون اسلام آباد آ سرمس۔ نورخان ایئربیس وزارت خارجہ نا ایڈیشنل سیکرٹری (اوغانستان ودیکی ایشیاء) رحیم حیات قریشی شرفمند آ مہمان ءِ بخیر کرے۔ دفترخارجہ نا بیان نا رداٹ ایرانی وزیرخارجہ دادورہ ٹی نگران وزیرخارجہ جلیل عباس جیلانی تون سرجمی اٹ گپ وتران کیک او وزیراعظم انوارالحق کاکڑ تون ہم اوڑدہی کیک۔ دا بڑزکو کہول انا دورہ ہمووخت آ مس ہراتم ہڑتوم آ ملک آک 22 جنوری آ تینا اسیجائی بیان اٹی پڑو کریسر کہ ہڑتوم آ ملک آتا سفیر آک تینا تینا عہدہ غاتیا پدی کارہ و ایرانی وزیرخارجہ اسلام آباد نا دورہ ءِ کیک۔ داکان مست ایران نا کنڈآن برجاتُو پاکستان نا فضائی دنگ انا خلاف ورزی آن پد ہڑتوم آ ملک آتا تعلقداری بے چیٹ مسوسر اوکان پد پاکستان نا کنڈآن ایران اٹی پاکستان نژاد دہشت گرد آتا ٹھکانہ غاتے شست کننگ کن جلہو کننگا۔

متعلقہ مضامینمصنف کی طرف سے مزید