وزیراعظم بنجائی وزیرآتا، سلاہکارآتا، خصوصی کمکارآتا، بنجائی ادارہ غاتا آفیسر آتے پیشن ناملک دورہ غاتا موکل ءِ پدی ہلک

اسلام آباد۔ 29 جنوری (اے پی پی) وزیراعظم انوارالحق کاکڑ بنجائی وزیرآتا، سلاہکارآتا، خصوصی کمکار آتا ، بنجائی ادارہ غاتا آفیسر آتے پیشن نا ملک سرکاری و نجی دورہ غاتا تروک آ موکل ءِ پدی ہلکنے، وزیراعظم پارت کرینے کہ الیکشن نا عمل پورو مننگ اسکان اسٹ اسے ہم درملکی دورہ کن ایکس پاکستان لیو تننگپ ۔ کابینہ ڈویژن آن دوشنبے نادےآ جاری مروک آ نوٹیفکیشن نا رداٹ وزیراعظم بنجائی وزیر، سلاہکار، خصوصی کمکار، بنجائی ادارہ بشمول ماتحت ادارہ، وتواجہ ادارہ غاتا آفیسر آتے تروک آ درملکی سرکاری یا نجی دورہ غاتا موکل ءِ پدی ہلکنے۔ وزیراعظم نا کنڈآن پارت کننگانے کہ درملکی دورہ اسے کن ’’ایکس پاکستان لیو‘‘ تننگپ۔ غٹ بنجائی سیکرٹری تے پاننگانے کہ او دا پارت آتاتعمیل ءِ پک کیر۔