سیالکوٹ۔28جنوری (اے پی پی):پاکستان مسلم لیگ (ن) ءِ سروک خواجہ محمد آصف ءَ گوشتگ کہ 8 فروری ءَ اے ملک ءِ درستاں چہ مستریں ٹوھیں السی آمید گس بوھگی انت، اے ھیالانی درشانی آئیءَ گوستگیں شپ یونین کونسل رنگ پورہ ءَ یوتھ ورکر کنونشن ءَ گوں گشتانک دیان ءَ کت۔ آئی ءَ گوشت کہ پاکستان ءَ اگاں کجام ھم الس ءِ ھلاپ ءَ کیس درج بیت گڈا پیسر ءَ کسانیں آمید گس، پدا لائی کورٹ ءُ پدا سپریم کورٹ ءَ کیس ءِ گوشداری بیت۔ 8 فروری ءَ اے ملک ءِ درستاں چہ مستریں السی آمید گس بوھگی انت، ایشی ءِ اندر ءَ ما درست پیش باں ءُ پدا شما ھم ھموادا بئے۔ آھودا الس آناں پیسلہ کنگی انت اے ملک ءِ سروکی کئے ءَ را دیگ بہ بیت۔
