منشیات تور فورس نامنشیات اسمگلنگ نا برخلاف ٹارگٹڈ آپریشن، سلہہ دوئی

راولپنڈی۔ 26 جنوری (اے پی پی) منشیات تور فورس(اے این ایف) منشیات اسمگلنگ نا برخلاف ٹارگٹڈ آپریشن اٹی بھلو کچ اسے ٹی سلہہ دوئی کرے۔ اے این ایف ہیڈکوارٹرراولپنڈی آن جاری بیان نا رداٹ دا ٹارگٹڈ آپریشن گوادر نا کرکی پٹی نا علاقہ پاڈیزراٹی کننگا۔ اے این ایف ٹیم کرک انا خڑک گڑاس بندغ آتے شکبر گڑادڑفسا خنا۔ ٹیم انا دمدستی ایکشن آن پد ہم دوبہ دار آک تہارمئی نا آڑاٹ نرنگ اٹ سرسہب مسر۔ اوکان پد کھیپ انا معائنہ ءِ کننگ آمعلوم مس کہ گڑاتیٹی پوسکن آ سلہہ ساڑی ءِ۔ اے این ایف ٹیم غٹ سلہہ غاتے ضبط کرے۔ ترجمان پارے کہ ضبط مروک سلہہ غاتیٹی 259دانہ 9 ایم ایم گلا ک پشٹول اوار ءُ۔ اے این ایف ترجمان پارے کہ دا آپریشن منشیات تور آن بیدس قومی سلامتی ءِمون تروک خطرہ غاتون مون تننگ نا اے این ایف نا عزم انا ڈیک ءِ۔