مچ آ پاکستان خاص وڑاٹ بلوچستان اٹی توانائی نا بھاز تنکی ءِ ہرانامون ءِ توننگ ننا غٹ اکن اسہ بھلو چیلنج اسے، گور نر بلوچستان عبدالولی کاکڑ

کوئٹہ۔ 26 جنوری (اے پی پی) گورنر بلوچستان ملک عبدالولی کاکڑ پارینے کہ مچ آ پاکستان خاص وڑاٹ بلوچستان اٹی توانائی نا بھاز تنکی ءِ ہرانا مون ءِ توننگ ننا غٹ اکن اسہ بھلو چیلنج اسے، داچرجوئی ٹی ننے سائنسی جدت اختیارکروئی مریک انتئے کہ سولر انجی ودی کننگ نا پوسکن آ وڑوڈول آتے اختیار کرسا ہی نن توانائی نا تنکی نا مون ءِ توننگ نا قابل مرینہ۔ داخیال آتا درشانی ءِ او بیوٹمز یونیورسٹی کوئٹہ و بلوچستان رورل سپورٹ پروگرام نا نیام اٹ مفاہمتی یات داشت نا رداٹ اڈ ہلوک دودانا وخت آ کرے۔ یات سلے کہ گورنر بلوچستان ملک عبدالولی کاکڑ نا کماشی ٹی بیوٹمز یونیورسٹی نا وائس چانسلر ڈاکٹر خالد حفیظ و چیف ایگزیکٹیو آفیسر بی آرایس پی ڈاکٹر طاہر رشید مفاہمتی یات داشت آ دستخط کریر۔ ہندا ایم او یونا رداٹ بیوٹمز یونیورسٹی ٹی ساڑی  بلوچستان سینٹر آف ایکسیلینس ءِ بلوچستان رورل سپورٹ پروگرام ساڑی آروایتی بجلی نا نظام آن چھٹکارا ترفسا اودے گیگ بدل رینویبل سولر انرجی آ گدریفک۔ داوخت آ بیوٹمز یونیورسٹی نا کنڈآن پرووائس چانسلر ڈاکٹر عبدالرحمان ، رجسٹرار بیوٹمز یونیورسٹی ڈاکٹر زاہد روف وپروفیسر ڈاکٹرنذیر درانی وخت اس کہ بلوچستان رورل سپورٹ پروگرام نا کنڈآن چیئرمین بی آرایس پی ملک انورسلیم، بورڈ آف ڈائریکٹر ممبران روشن خورشیدبروچہ ، نصراللہ بڑیچ، جنرل منیجر پروگرام ڈاکٹر شاہنواز خان و پروگرام کوآرڈی نیٹر نصیب آغائسک ہم ساڑی ئسر۔