شکر والا گڑاتیا پابندی عائد، وزارت آتے ہم ایڈوائزری جاری کننگ انگ ءِ، نگراں بنجائی وزیر قومی جان جوڑی

اسلام آباد۔ 26 جنوری (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ وزارت جان جوڑی شکر والا گڑاتیا پابندی خلکنے، و دا رداٹ ایلو وزارت آتے ہم ایڈوائزری جاری کننگ انگ ءِ۔ جمعہ نادے آ وزارت جان جوڑی نا کنڈآن جاری ٹویٹ نا رداٹ وزارتِ قومی جان جوڑی و پاکستان نیشنل ہارٹ ایسوسی ایشن (پناہ) نا کنڈآن غیر صحت بخش غذا و ہنین آ شربت آتا کاریم اٹ اتنگ آن مروک آ ناجوڑی تا بابت آگاہی  سیمینار اس اڈتننگا۔ سیمینار اٹی نگران بنجائی وزیر جان جوڑی ڈاکٹر ندیم جان بطور مہمان خاص بشخ ہلک۔ داوخت آ ڈاکٹر ندیم جان پارےکہ غیرصحت بخش غذا وہنین آ شربت آتا کاریم اٹ اتنگ آن مروک آناجوڑی تا برخلاف گام گیج کننگ انگ ءِ۔