اسلام آباد۔ 26 جنوری (اے پی پی) صدر مملکت ڈاکٹر عارف علوی اَپاسٹِل آرڈیننس 2024ء ءِ جاری کرے ، آرڈیننس نا مسخت درملکی السی دستاویز آتیکن کانودی پک کننگ نا پابندی ءِ چٹفنگءِ۔ دا آرڈیننس پاکستان اٹ شاری، پیشن نا ملک رہینگوک بندغ آتا آسراتی کن جاری کننگا۔ ایوان صدر نا پریس ونگ انا رداٹ صدر مملکت اَپاسٹِل آرڈیننس وزیراعظم نا ایڈوائس آ آئین نا آرٹیکل (1)89نار داٹ جاری کرینے۔ دانا مسخت درملکی السی دستاویز آتا بابت 1961ء نا ہیگ کنونشن نا رداٹ پاکستان نا زمواری تے پورو کننگ ءِ۔ کنونشن پیشن نا ملک السی دستاویز آتا کاریم اٹ اتنگ کن کانودی تصدیق/توثیق اٹی چھوٹ فراوان کیک۔ بنجائی کابینہ مارچ 2022ء ٹی اپاسٹل کنونشن آن پاکستان نا الحا ق نا منظوری ءِ تسوسس۔ اپاسٹل کنونشن مارچ 2023ء آن پاکستان کن لاگو مسوسس۔
