اسلام آباد۔ 26 جنوری (اے پی پی) صدر مملکت ڈاکٹر عارف علوی تون گورنر گلگت بلتستان سید مہدی شاہ اوڑدہی کرینے۔ ایوان صدر نا پریس ونگ انا رداٹ ایوان صدر اٹی جمعہ نادے آ صدر مملکت و گورنر گلگت بلتستان نا نیام اٹ مروک آ اوڑدہی ٹی گلگت بلتستان ناجم حالیت، خولم سبسڈی، بلتستان یونیورسٹی ، سکردو نا ویل آتیا سجفنگا۔ خولم سبسڈی باندات آ صدر مملکت ڈاکٹر عارف علوی نگران وزیراعظم و وزیرخزانہ تون ہیت کرے و اومیت ظاہر کرے کہ گلگت بلتستان نا ویل، خولم سبسڈی نا باندات زوت ایسر مریک۔ صدر مملکت ڈاکٹر عارف علوی پارے کہ نگران وزیراعظم گلگت بلتستان کونسل نا گچین مروک آ باسک آتون خولم سبسڈی باندات آ اوڑدہی امنا کرینے۔ تدوک آدے گلگت بلتستان کونسل ناڈل علاقہ نا ویل و سبسڈی نا باندات آ صدر مملکت تون اوڑدہی کریسس۔ صدر مملکت ڈٹ ءِ گلگت بلتستان نا ویل آتیا تعلقدار فورم تون ہیت کننگ نا باوری کرفیسس۔
