راولپنڈی۔ 25 جنوری (اے پی پی) منشیات تور فورس (اے این ایف) منشیات اسمگلنگ نا برخلاف 8 کارروائی تیٹی 138 کلوگرام منشیات دوئی کرسا 2 زالبول تون اوار 9 دوبہ دار ءِ دزگیرکرے۔ اے این ایف ترجمان نار داٹ کارگو آفس لاہور اٹی پارسل اسے آن 2 کلو آئس دوئی کننگا۔ ڈی ایچ ایل صدر، پشاور آن بحرین آ گدریفوک آ پارسل اسے آن 1 کلوآئس دوئی کننگا۔ ایم ون موٹروے اسلام آباد نا خڑک اِرا دوبہ دار آتیان 50 کلوگرام چرس و 40 کلوگرام ہفیم دوئی کننگا۔ موٹروے پول پشاور نا خڑک دوبہ دار اسے آن 15 کلوگرام چرس و 12 کلوگرام ہفیم دوئی کننگا۔ ایم نائن جامشورو ٹول پلازہ نا خڑک2 دوبہ دار آن 6 کلو گرام ویڈ دوئی کننگا۔ اقبال شہید ٹول پلازہ جی ٹی روڈ اٹک نا خڑک اِرا زالبول تون اوار مسہ دوبہ دار آن 6 کلوگرام چرس دوئی کننگا۔ کوہاٹ آن 4 کلوگرام چرس دوئی کننگا۔ شیرشاہ ٹول پلازہ نا خڑخ دوبہ دار آن 1 کلوگرام ہیرون دوئی کننگا۔ ترجمان اے این ایف پارے کہ دزگیر دوبہ دار نا برخلاف منشیات تور ایکٹ نا رداٹ مقدمہ درج کرساجاست وپاست نا بناءِ کننگانے۔
