اقوام متحدہ۔ 25 جنوری (اے پی پی) پاکستان مسمار مروک بابری مسیت نا ہند آ ’’رام مندر‘‘ نا بنانا مذمت ءِ کرسا اقوام متحدہ نا الائنس آف سویلائزیشنز (یواین اے او سی) نا بڑزکو عہدیدار آتیا زور شاغانے کہ او بھارت اٹ اسلامی تنصیب و ہند آتا رکھ اکن تینا کڑد ءِ ادا کیر۔ داہیت ءِ اقوام متحدہ ٹی پاکستان نا آخبتی مندوب منیر اکرم تدوک آ دے نیویارک اٹی اقوام متحدہ نا ہیڈکوارٹر اٹی اسلامی کمکار تنظیم (او آئی سی) نا سفیر آتا دیوان اٹی پارے۔ پاکستانی مشن نا کنڈآن جاری پریس ریلیز نا رداٹ پاکستانی مندوب منیر اکرم او آئی سی نا سنگت آتون اسہ چٹھی اس شیئرکرے ہراٹی او یواین اے او سی نا بڑزکو نمائندہ میگوئل اینجل موراٹینوس ءِ مخاطب کرسا پارے کہ ایودھیا ٹی مروک آ واقعہ بھارت اٹی ہندو مذہبی گیشتری نا ایلوفتے تون امتیازی سلوک اٹ فریشان کن ودکی نا پیدواری ءِ کرینے۔ اویواین اے او سی نا سروک ءِ تینا چٹھی ٹی پارے کہ تدوک آ 31 سال اٹی مروک آ پیش رفت، ہرا ساڑی آ دود اٹی ایسرمس۔
