اسپیکر قومی اسمبلی راجہ پرویز اشرف نا مسکوہی اسپیکر قومی اسمبلی سینئر سیاستدان الٰہی بخش سومرو ناکزیت آ است ہسونی نا درشان

اسلام آباد۔ 25 جنوری (اے پی پی) اسپیکر قومی اسمبلی راجہ پرویز اشرف مسکوہی اسپیکر قومی اسمبلی سینئر سیاستدان الٰہی بخش سومرو نا کزیت آ ڈکھیائی و است ہسونی نا درشانی ءِ کرینے۔ تینا ہڑزخواہی بیان اٹی اومسکوہی اسپیکر قومی اسمبلی سینئر سیاست دان الٰہی بخش سومرو نا سیاسی و راجی خذمت آتے خراج عقیدت پیش کرے و پارے کہ ایماندار اسہ مدبر، مخلص وزیرک سیاست دان اس ئس، اونا ملک و قوم اکن خذمت ستاکڑزک۔ اوایماندارنا کزیت ءِ ملک اکن بے بدل نسخان اس گوندسا پارے کہ ایماندار نا سیاسی و راجی خذمت آتے تادیر یات تخنگک ۔ اسپیکر قومی اسمبلی پدسلوک خاہوت تون ہڑزخواہی نا درشانی ءِ کرسا پارے کہ او غم و ڈکھیائی نا داساہت اٹی اوفتا غم اٹی بریبر نا شریک ءِ۔او اللہ تعالیٰ آن ایماندار نا درجہ غاتا بڑزی و پدسلوک آ خاہوت ءِ دا بے بدل نسخان ءِ سگنگ کن صبر وجمیل نا ہم دعاکرے۔