کوئٹہ۔ 24 جنوری (اے پی پی) نگران وزیراعلیٰ بلوچستان میر علی مردان خان ڈومکی پارینے کہ 8 فروری آپرامن گچین کاری تا اڈتننگ کن بست وبندی کہول آ تیاریک پورو ءُ غٹ ڈویژن آتا دورہ ءِ کرسا بست وبند آتا جاچ ءِ ہلنگانے ، صوبہ ٹی گچین کاری تا بابت کروک آ بست وبند آک است جم ءُ، بلوچستان اٹی مسہ اومیتدار آتیا جلہو مس ولے اللہ تعالیٰ نا شکرگزار اُن کہ ہچ ءُ جانی نسخان اس متنے لس گچین کاری تیٹی بشخ ہلوک آ اومیتدار آتا سیکورٹی ءِ پین گچین کننگ انگ ءِ ۔ داخیال آتا درشانی ءِ او چارشنبے نادے آ داڑے امن و ایمنی و الیکشن نا بابت گام گیج آتا جاچ ءِ ہلنگ کن اڈ ہلوک دیوان آن پد ہندی صحافی تتون گپ و تران کرسا کرے، نگران وزیراعلیٰ بلوچستان پارے کہ بلوچستان مستین اٹ ہم دہشت گردی نا گواچی رہینگانے ولے داسہ حالیت آک گچینی نا کنڈآ ہِننگ ءُ، انتظامیہ و فورس آک دہشت گردی نا چٹفنگ و بحالی امن کن پورو تندہی اٹ کاریم کننگ ءُ و پرامن گچین کاری تا اڈتننگ کن غٹ دوئی وسیلہ غاتے کاریم اٹ اتنگ انگ ءِ۔
