نگران وزیراعظم انوارالحق کاکڑ نا چین نا نشریاتی ادارہ ’’سی جی ٹی این‘‘ ءِ انٹرویو

اسلام آباد۔ 24 جنوری (اے پی پی) نگران وزیراعظم انوارالحق کاکڑ پارینے کہ چین اتون پبی رابطہ غاتا کمک اٹ سی پیک نا اولیکو ریسہ نا بھرم تے دوئی کرسا ارٹ میکو ریسہ ٹی پترینگ انگ اُن۔ بی آرآئی نا اولیکو ریسہ نا مسخت آتے سی پیک نا حالیت اٹ دوئی کرینن۔ پاکستان اٹی زرکاری نا بے پناہ وارخواہی ساڑی ءِ ، چین اتون شریداری آ تالان تعلقداری استوار ءُ، سی پیک آن ڈیہہ اٹی شونداری نا اسہ پوسکن ءُ دور اس بناکرینے ، زرگزرانی شونداری کن ڈیہہ انا ملک آتون مثبت تعلقدار استوار کننگ وخت انا گرج ءِ۔ دورہ ءِ ڈیووس اٹی چین نا نشریاتی ادارہ ’’سی جی ٹی این‘‘ ءِ تروک آ انٹرویو ٹی نگران وزیراعظم انوارالحق کاکڑ پارے کہ صنعتی پڑاٹ شونداری آن زرگزرانی سوگوی بریک۔ نگران کابینہ نا زرگزران نا گچینی کن اولیت آتا بابت سوج انا ورندی ٹی اوپارے کہ ننا ایجنڈا غا اقتصادی بحالی غٹ آن  مہالو ءِ، ٹیکنالوجی نا بدلی زیر بحث ءِ، اِرا بھلو عوامل مچ آ دنیا ٹی ہروڑنا اقتصادی سرجزآتے زہمی کننگ ءُ، خاص وڑاٹ ننا ڈیہہ اٹی جتا جھیڑہ و فلیش پوائنٹ آتا بابت گپ وتران مرسا کیک وخت اس کہ سپلائی چین و جم اقتصادی سرجز آتے زہمی کننگ نا بابت ہم گپ وتران مریک۔