اسرائیل نا کنڈآن اِراریاستی ایسر ءِ مسترد کننگ ناقابل قبول ءِ، سیکرٹری جنرل اقوام متحدہ

اقوام متحدہ ۔ 24 جنوری (اے پی پی) اقوام متحدہ نا سیکرٹری جنرل انتونیوگوتریش پارینے کہ اسرائیلی حکومت نا کنڈآن بڑزکو کہول آ اِرا ریاستی ایسر ءِ پیدوار و وار وار مسترد کننگ ناقابل قبول ءِ۔ اوتدوک آ دے دے ٹک نیامی تنکی آ اقوام متحدہ نا سلامتی کونسل نا بڑزکو کہول انا شرہ ٹی تران اٹی غزہ ٹی پین امداد نا رسینگ نا خواست کرے۔ اوغزہ نا مچ آ آبادی ساڑی آ تاریخ اٹی برق رفتار و بھلو کچ اسے آ بھسکاری ءِ سگنگ ءِ۔ اسہ گڑاس ہم فلسطینی الس نا اجتماعی سزاناجواز پیش کننگ کپک۔ سیکرٹری جنرل سلامتی کونسل ءِ پارے کہ غزہ ٹی انسانی حالیت خوفناک ءِ و دا کہ غزہ نا مخلوق ءِ نئے بیرہ پدریسہ بمباری اٹ شہید یا ٹھپی مننگ نا خطرہ ءِ بلکن اوفتے ٹی ہیپاٹائٹس اے، دست  کون آ  متعدی ناجوڑی تا ودوک آ گمان ہم ارے۔ اوپارےکہ اوفتے کن فوجی کارروائی تیٹی حراست اٹ ہلوک آ فلسطینی تتون اسرائیل نا غیرانسانی سلوک نا پورٹس فریشان کن ءُ۔ اقوام متحدہ نا سیکرٹری جنرل اسہ وار ولدا انسانی ہمدردی نا بنداوتیا دمدستی جنگ بندی نا خواست کرے۔