کوئٹہ۔ 24 جنوری (اے پی پی)چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ بھارتی ریاست ایودھیاٹی عظیم الشان بابری مسجد 1527 اٹ تفنگاسس دا مسیت 1992 اسکان قائم ئس دا مسیت ءِ ہندوانتہاپسند آک شہید کریسر انتہاپسند مودی بابری مسیت نا جاگہ غا ہندو انتہاپسند بھارتی وزیراعظم نریندر مودی نا ایماغا رام مندر نا بناءِ کننگانے ہراتم بابری مسیت ءِ شہید کننگاتو دا جھیڑہ نا سوب آن اِرا ہزار آن زیات انسان تے ہلا ک کننگا دا ہلاک کروک آ زیات تر مسلمان ئسر۔ داڑے جاری مروک اسہ بیان اسے ٹی سینیٹر محمد عبدالقادر پارے کہ المیہ دادے کہ مسجد نا بحالی نا جاگہ غا بھارت نا سپریم کورٹ مندر نا تفنگ نا حق اٹی فیصلہ تس 22 جنوری 2024 آ رام مندر نا بناءِ کننگا و داسہ بھارت نامیڈیا رام مندر نا بنا نا رنگ رنگی جشن نا کوریج اٹ لگوک ءِ ایودھیانا مسلمان دا واقعہ غا ڈکھیائی و رنج انا کیفیت اٹ اختہ نظر بننگ ءُ، بابری مسیت نا شہیدی و اونا جاگہ غا رام مندر نا تفنگ بھارتی راج ءِ پین تقسیم کرینے ایودھیا ٹی مسلمان تا کچ پنچ لکھ آن زیات ءِ بھارتی ریاست نا مسلمان تا برخلاف ظلم داحداسکان ودانے کہ مسلمان ہندوتا جلہو آن خلسا اُراتسکان محدود مننگ آ بیوس مسنو۔ او پارے کہ اینو آن 32 سال مست 16 می صدی ٹی تفنگوک آ بابری مسیت ءِ شہید کننگا تو ایودھیا ٹی پھسات تالان مس ہراٹی اِراہزار آن زیات انسان تا جون زیان مس رام مندر نا بنانا وخت آ مودی باقاعدہ رام جنم بھومی مندر ءِ ملا دا جشن داہیت انا علامت ءِ کہ مودی نا بی جے پی نا کماشی ٹی مسلمان ہراوڑ پسماندہ و محکوم مرسا رہینگانو اگہ بابری مسیت نا شہیدی نا ڈکھیائی ختم متنے تو رام مندر نا بناہم مسلمانک اسُل است آن دپسہ۔
