کوئٹہ۔ 24 جنوری (اے پی پی)پاکستان مسلم لیگ (ن) نا راہشون و حلقہ پی بی 44 آن پندار اومیتدار حاجی میر نوراللہ لہڑی پارینے کہ قومی زرگزران ءِ بھس کننگ و ملک ءِ بے چیٹی نا خاخر اٹ بِٹنگ نا سازش کروک آتے الس تینا وونٹ اٹ شکست فاش ایتک، نواز شریف نا کماشی ٹی مچ آ قوم متحد ءِ و اودے چارمیکو وار ملک انا وزیراعظم جوڑ کننگ نا پکا ارادہ کرینو۔ داہیت ءِ او چارشنبے نادے آ قمبرانی روڈ ارباب گیٹ، غوث آباد اٹی گچین کاری دفترنابناکلی عمرشاہ ٹاؤن ، بی بی زیارت سریاب اٹی ملک محمد شاید دہوار، چیئرمین علی جان دہوار، عبدالرحمان نیچاری، ملک سمیردہوار، نعمان دہوار، ایڈووکیٹ سید مظفر شاہ، سید منصب شاہ، سید عبدالرحیم شاہ، ملک جاوید خواجہ خیل، ملک اسفند خواجہ خیل عبدالحمید ڈومکی، سید راشد علی شاہ، سید خالدعلی شاہ، سید احسان علی شاہ، سید علی گل شاہ عبدالمنان نا مسلم لیگ (ن) اٹی اوار مننگ نا وخت آ اڈ ہلوک دود آن تران کرساپارے۔ اوپارےکہ 2018 ء آن مست ملک میاں نواز شریف نا کماشی ٹی شونداری نا کنڈآ ہناسس ولے بدبختی اٹ اسہ ہندن ءُ نابود بندغ اسے مسلط کننگا ہراحکومت اٹ بننگ تون تینا مچ آ توانائی تے اپوزیشن ءِ تختہ مشق کننگ اٹ خڑ چ کرے، ہراٹی ملک زرگزرانی و اخلاقی وڑاٹ تنکی تا گواچی مس۔ اوپارے کہ حکومت و اپوزیشن گاڈی نا اِرا پہیہ غاتیانبار ءُ ، ہرافتیان بیدس ملکی شونداری و شونہالی ممکن اف، عمران خان تینا مچ آ دور حکومت اٹ بیرہ ہمو اسہ بیانیہ غا عمل کرے کہ اپوزیشن ءِ ہلیپرہ ہنداسوب آن او ملک اٹی اسہ ہم قابل ذکر شونداری پروگرام اس بناکننگ کتو۔ اوپارے کہ مسلم لیگ (ن) الس ءِ کبینی آن نجات ترفنگ کن جنگ تننگ ءِ گچین مرسا شونداری نا سفر نا دُوارہ بناءِ کینہ۔
