راولپنڈی۔ 24 جنوری (اے پی پی) اینٹی نارکوٹکس فورس خودکار سلہہ اسمگل کننگ نا کوشست ءِ بے سہب کرے۔ اے این ایف ترجمان چارشنبے نادے آ جاری بیان اٹی پارے کہ ٹول پلازہ اٹک نا خڑک پٹنگ نا وخت آ ٹیوٹا ہائی ایس آن بھلو کچ اسے ٹی خودکارسلہہ دوئی مس۔ سلہہ ٹی 10 کلاشنکوف، 2 شاٹ گن، 5دانہ 30 بور پشٹول اوار ءُ وخت اس کہ اسہ بریٹاپشٹول، 33 کلوشنکوف میگزین و شاٹ گن نا میگزین ہم دوئی کننگا۔ داوخت آ گاڈی ٹی سوار میانوالی نا ہنکینی دوبہ دار اسے دزگیرکننگا ۔ ترجمان پارے کہ خودکار سلہہ غاتا دہشت گردی ٹی ممکنہ کاریم اٹ اتنگ خارج ازامکان اف ولے دا بابت پین جاست وپاست برجاءِ۔ بنائی معلومداری نا رداٹ دوبہ دار درہ آدم خیل آن سلہہ غاتے پنجاب نا چندی شار تیا اسمگل کریکہ۔ دزگیر دوبہ دار ءِ سلہہ غاتون اوار کانودی کارروائی کن اٹک پولیس نا دوٹی تننگانے۔
