اسلام آباد۔ 24 جنوری (اے پی پی) سی پیک نا کمک اٹ کشت وکشار نا بشخ انا شونداری و گچینی آ ہم خاص چکار کننگ انگ ءِ، کشت و کشار نا بشخ پاکستان نا زرگزران اٹی تمبہ ناحیثیت تخک۔ پلاننگ کمیشن کمامدارآتا رداٹ چینی سٹڈی گروپ اتون اواری اٹ کشاری پٹ وپول آ کاریم کننگ انگ ءِ۔ کشاری بشخ انا بابت اہم انگا ڈٹ آتیٹی 5000 ملین روپئی نا خڑچ انا گرین ریوولیوشن 2.0 نا ڈٹ بھاز اہمیت تخک۔ ہرانا مسخت کشت وکشار نا پیدواری لائخی ٹی اہم اڑاند آتے مر کننگ کن کننگانے۔ حکومت گُڈنگ آن پد آن مروک آ نسخان تے کم کننگ، غلہ، میوہ و سوزی تا قدر اٹی ودکی ، بھلا فصل آتا پیدواری لائخی ٹی ودکی، زالبول و ورناتے کشت وکشار، کشاری کاروبار اٹی اوار کننگ و کشاری پٹ وپول ءِ مون آدننگ و کمکاری کن ٹیکنالوجی نا مون آ دننگ آہم پبی گام گیج کننگ ءِ۔ پاکستان نا غذائی مصنوعات برآمد کننگ نا لائخی سخت جہانی آب آتا سوب آن محدود ءِ۔ میوہ و سسوزی تا اہمیت ءِ مون آ تخسا باغبانی نا فصل آتا اہم اڑاند آتے مر کننگ کن 1000 ملین روپئی نا اسہ پین ڈٹ ’’ہارٹیکلچر سپورٹ پروگرام، دا ڈٹ ءِ گچین میوہ و سوزی تا پڑاٹ و فصل آن پد مروک آ نسخان تے کم کننگ و پبلک پرائیویٹ پارٹنر شپ نا کمک اٹ ویلیو چین نا ہر گام آ ویلیو ایڈنگ ٹیکنالوجیز نا درشانی ءِ کرسا باغبانی نا ویلیو چین تے مربوط و سسوگو کننگ کن ڈیزین کننگانے۔ پاکستان اٹ کشاری ٹیوب ویل آتا سولر ائزیشن کن 377، 017 ملین روپئی نا اسہ پین ڈٹ ہرانا رداٹ 100،000ٹیوب ویل آتا کچ ءِ بدل کننگ انگ ءِ ہراٹی 50،000ڈیزل و 50،000کچ اٹی بجلی نا ٹیوب ویکل آتے بدل کننگ اوار ءِ۔
