فیصل آباد۔ 24 جنوری (اے پی پی) بنجائی وزیر مذہبی امور انیق احمد پارینے کہ علم اصل اٹ خداخوفی نا پن ءِ ، اللہ نا خشیت صاحبان علم انا است اٹی ہی مریک، پوسکن ءُ علم دوئی کرسا دنیا ءِ دین نا تابع کننگ ننا دین نا سبخ ءِ، اہل علم ءِ مرے کہ او رب کائنات نا خشیت کن پوسکن ءُ کسر تخلیق کیر ہرافتیا بروک آ ک چلینگ انگ کیر۔ اوچارشنبے نادے آ جامعہ سلفیہ حاجی آباد فیصل آباد اٹی تکمیل مفتی ڈگری کورس انا دود آن تران کریکہ۔ اوپارے کہ اودے ہندا دود اٹی بشخ ہلنگ و جامعہ نا گچین چاگڑد ءِ خنسا بھاز خوشی مس وخت اس کہ اودے بابا فرید گنج شکر و حضرت خواجہ معین الدین چشتی آ پی ایچ ڈی نا تھیسز آتے خنسا است جمی و تشفی دوئی مس۔ اوپارے کہ برصغیر نا علمائے حق دین نا بھلو خذمت اس کریر و اوفتا سوب آن ننے ہم بھاز انگا گڑا ہیل کننگ و پہہ مننگ نا موقع ملا۔ وزیر مذہبی امور پارے کہ دنیا نا اسہ علم اس ہم سیکولر مفک ہراتم خواجہ صلی اللہ علیہ و آلہ وسلم آن سوج کننگا کہ علم انت اسے پارہ تو خواجہ صلی اللہ علیہ و آلہ وسلم فرمائفے علم خداخوفی ءِ پارہ ولے نم تینٹ سجفبو کہ انت علم والا وبے علم اسٹ مننگ کیرہ۔ اوپارے کہ ہر مسلمان کن المی ءِ کہ او دنیا نا ہر علم ءِ خنے، خوانے، پہہ مرے و ولدا ہرے کہ اسلام ہراسو ب آن دا ادیان تیان یکتا و ممتاز ءِ۔ اوپارے کہ علم اصل اٹ خداخوفی نا پن ءِ ہراٹی ہر اسٹ نا حق و حد وقیود نا تعین و گچین زند ءِ تیر کننگ نا وڑوڈول و سلیقہ ءِ ہیل تننگانے۔
