کوئٹہ۔ 23 جنوری (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ پاکستان اسہ وخت اسے آن تحریک طالبان پاکستان نا دہشت گرد آتا اوغانستان اٹی ساڑی گری نا دعویٰ ءِ کننگ ءِ، ہرادے اوغان طالبان امنا کننگ آن مدام انکار کرینے پاکستان مدام دعویٰ کرینے کہ تحریک طالبان پاکستان نا دہشت گرد آتے اوغان طالبان تا کاٹم خواجہی دوئی ءِ، ہرانا اوغان طالبان مدام انکار ءِ کرسا کریر۔ تحریک طالبان پاکستان نا دہشت گرد آتا اوغانستان آن پاکستان آجلہو برجاسلیس ولے اوغان طالبان پاکستانی طالبان آتون ہروڑناکمکاری و تعلقداری تا نفی ءِ کرسا کرے۔ داڑے جاری مروک اسہ بیان اسے ٹی سینیٹر محمد عبدالقادر پارے کہ اوغانستان اٹی تحریک طالبان پاکستان نا دہشت گرد آتا ہیلکاری کیمپ و اوفتا پناہ گاہ تا ساڑی گری نا شاہدی ہمووخت آ مون آ بس ہراتم او اوغانستان اٹی دستاربندی نا اسہ دود اسے ٹی بشخ ہلککہ کالعدم تحریک طالبان پاکستان نا پاکستان نا برخلاف دہشت گرد کارروائی تا اصل سوب اوغان طالبان تا اوفتے محفوظ پناہ گاہ تننگ ءِ، دستاربندی نا دود اوغانستان نا صوبہ کنڑاٹی مس ہراٹی بدنام زمانہ دہشت گرد عظمت لالا و مولوی فقیر خصوصی بشخ ہلکر۔ اوپارے کہ دا دستاربندی نا دود اٹی اوغان طالبان آتون پاکستان نا طالبان تا بشخ ہلنگ ہڑتوم آ ملک آتیٹی برسرپیکار طالبان گروہ تے ایکسپوز کرینے داڑآن پاکستان نا راستکی تیا تالان دعویٰ تا سچائی پک مسنے ، اوغانستان نا طالبان داسہ ہم دا حقیقت ءِ امنا کننگ کن تیار افس کہ پاکستان نا طالبان اوفتا پناہ ٹی تربیت و سلہہ دوئی کننگ آن پد پاکستان آ جلہو گیر مریرہ تو جلہو گیرآتے اوغان طالبان تا پورو مخ تفی دوئی مریک۔ چیئرمین قائمہ کمیٹی پارے کہ اگہ اوغان طالبان پاکستان آجلہو گیر مروک آتے کمک تتورہ تو پاکستان تینا سیمی دنگ اٹ اوفتا تعاقب ءِ کرسا اوفتے اوفتا کروک نا سزا تسکہ ، دستاربندی نا دود اٹی تحریک طالبان پاکستان نا بشخ ہلنگ آن پد پاکستان ہراوڑ کہ مریک دا دہشت گرد آتے چٹفک ، تحریک طالبان پاکستان مرے یا اوغان طالبان پاکستان نا سالمیت کن پدریسہ ویل ودی کرسا کرینے ریاست پاکستان طے کرینے کہ پاکستان نا سیکورٹی فول پروف جوڑ کننگ کن ریاستی ادارہ غاتا ادارہ ہروڑنا کارروائی آن پاناد کپک۔
