راولپنڈی۔ 23 جنوری (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف برجا کریک ڈاؤن اٹی 6 کارروائی تیٹی 190 کلوگرام منشیات دوئی کرسا 7 دوبہ دار ءِ دزگیرکرے۔ ترجمان نا رداٹ اسلام آباد بالی پٹ آ اِرا جتا کارروائی تیٹی دوحہ غا ہنوک آمسہ مسافر آتیان جم وڑاٹ 3 کلو گرام آئس دوئی کرے۔ باچاخان ایئرپورٹ آ بحرین آ ہنوک آ مسافر اسے آن 500 گرام ہیرون دوئی کننگا۔ علامہ اقبال بالی پٹ آ دوحہ غا ہنوک آ مسافرا سے نا پڈآن 52 کیپسول ہیرون آن پُر دوئی کننگا۔ طوردرہ بارڈر خیبرآن 186 کلوگرام چرس دوئی کننگا۔ روہتاس روڈ اسلام آباد نا خڑک اِرا زالبول آن 850 گرام آئس دوئی کننگا۔ ترجمان پارے کہ دزگیر دوبہ دار نا برخلاف منشیات تور ایکٹ انا رداٹ مقدمہ درج کرسا جاست وپاست نا بناءِ کننگانے۔
