اسلام آباد۔ 23 جنوری (اے پی پی) اسپیکر قومی اسمبلی راجہ پرویز اشرف اے بی این نیوز نا چیئرمین و چیف ایڈیٹر ہڑدے ئی اوصاف راجہ مہتاب خان نا بھلا ایلم راجہ عارف خان نا کزیت آ ہڑزخواہی نا درشانی ءِ کرینے۔ سے شنبے نادے آ او راجہ مہتاب خان نا پن تینا ہڑزخواہی کلہو اٹی اونا بھلا ایلم نا کزیت آ ڈکھیائی و است ہسونی نا درشانی ءِ کرے وپارے کہ ایماندار ناکزیت پدسلوک آ خاہوت کن بھلو صدمہ و بے بدل ءُ نسخان اسے ہرادے مدت آتے اٹ پُرکننگ مفک۔ اوپارےکہ او پدسلوک آ خاہوت نا غم و ڈکھیائی ٹی بریبر نا شریک ءِ۔ اسپیکر قومی اسمبلی اللہ تعالیٰ آن ایماندارنا درجہ غاتا بڑزی و پدسلوک آ خاہوت ءِ دا بے بدل نسخان ءِ سگنگ کن صبر وجمیل عطا کننگ نا دعاکرے۔
