کوئٹہ۔ 22 جنوری (اے پی پی) نگران وزیراعلیٰ بلوچستان میر علی مردان خان ڈومکی تربت اٹی لالا رشید بلوچ نا گاڈی آ سم کاری نا واقعہ نا مذمت ءِ کرسا اوار زموار آتا دزگیری کن کارروائی نا پارت کرینے۔ داڑے جاری اسہ بیان اسے ٹی میر علی مردان خان ڈومکی پارےکہ لالا رشید بلوچ نا گاڈی آ سم کاری نا واقعہ مذمت نا قابل ءِ ، اللہ تعالیٰ نا شکرگزار اُن کہ لالارشید بلوچ و اونا سنگت آک رکھ مسر۔ میر علی مردان خان ڈومکی پارت کرے کہ واقعہ ٹی اوار دوبہ دارآتے زوت دزگیرکننگے، اوتربت اٹی پیش بروک آ دا است ہسون واقعہ نا رداٹ مچ آ صوبہ نا انتظامی آفیسر آتے پارت جاری کرینے کہ گچین کاری تیٹی بشخ ہلوک آ غٹ اومیتدار آتا سیکورٹی ءِ پین گچین کننگے تانکہ غٹ اومیتدار آک پرامن چاگڑد اٹی تینا گچین کاری سرجزآتے برجاتخنگ کیر۔
