راولپنڈی۔ 22 جنوری (اے پی پی) اے این ایف منشیات اسمگلنگ نا برخلاف جتا کارروائی تیٹی 168 کلوگرام منشیات دوئی کرسا 9 دوبہ دارءِ دزگیرکرے۔ اے این ایف ترجمان پارے کہ علامہ اقبال انٹرنیشنل بالی پٹ آ بحرین آ ہنوک آمسافر اسے آن 1 کلو آئس دوئی کننگا۔ لسبیلہ نا مشی آ علاقہ غان 100 کلوچرس دوئی کننگا۔ تیرہ خیبر آن اِرا کارروائی تیٹی 21 کلوگرام چرس دوئی کننگا۔ کالاشاہ کاکو ٹول پلازہ جی ٹی روڈ نا خڑک 10 کلوگرام چرس، 7 کلوگرام ہفیم، 3کلوگرام آئس، 2 کلوگرام ہیرون و اسہ سی بور پشٹول اس دوئی کرسا اِرادوبہ دار ءِ دزگیرکننگا۔ جی ٹی روڈ لاہور ناخڑک 5 کلوگرام چرس ، 6 کلوگرام ہفیم ، 2 کلوگرام آئس دوئی کرسا دوبہ دار آتے دزگیرکننگا۔ تبلیغی مرکز اسلام آبا د نا خڑک اِرا دوبہ دار آن 10 کلوگرام چرس دوئی کننگا ۔ یونیورسٹی چوک کوہاٹ نا خڑک اِرا دوبہ دار آن 2 کلوگرام چرس دوئی کننگا۔ ایم ون موٹروے اسلام آباد نا خڑک دوبہ دارا سے آن 1 کلوگرام چرس دوئی کننگا۔ ترجمان پارے کہ دزگیر دوبہ دارنا برخلاف انسدادِ منشیات ایکٹ نا رداٹ مقدمہ نوشتہ کرسا مستی جاست وپاست نا بناءِ کننگانے۔
