پیرس ۔ 22 جنوری (اے پی پی) فرانس نا دارالحکومت پیرس اٹی پاکستانی سفارت خانہ سے شنبے نادے آ پاکستانی زالبول دستکار و کاروباری بندغ آتا شناخت کن اسہ فیشن شو اسے نا مہمانداری ءِ کیک ۔ سفارت خانہ دوشنبے نادے آ تینا ایکس اکاؤنٹ آ پڑواٹی پارینے کہ عمرمنصور وکاروان کرافٹس فاؤنڈیشن پاکستان نا کمک اٹ 23 جنوری آ پاکستانی سفارت خانہ پیرس اٹی ’’کلچر ٹوکاؤچر‘‘ نا سرحال آن فیشن شو کننگ انگءِ۔ فیشن شو اٹی پاکستان نا خلقی زالبول کاریگر و کاروباری بندغ آتا پیچیدہ دستکاری وکڑھائی و تیکنیک آتے عمر منصور نا ڈیزن کروک لویس نا لائن آ پیش کننگک۔ عمرمنصور لندن اٹی مقیم فیشن ڈیزائنر ءِ ہرا دودوربیدہ و میرات نا شرف ءِ کیک و تخلیقی لائخی تے کاریگر آتا غٹ آن سوگو اثاثہ منک۔ کاروان کرافٹس فاؤنڈیشن اسہ غیرمنافع بخش کمپنی اسے ہراپاکستانی خلقی زالبول آتے زند انامہارت فراوان کیک ، اوداتم اسکان مچ آ پاکستان نا 26 ضلع غاتا 1،000 آن زیات خلق آتیٹی 29،000 آن زیات زالبول آتے متحرک ، تربیت وواکدار کرینے۔
