اسلام آباد۔ 22 جنوری (اے پی پی) وزیراعظم نا نمائندہ خصوصی بین المذاہب ہم آہنگی و دے ٹک نیامی و چیئرمین پاکستان علماکونسل حافظ محمد طاہر محمود اشرفی پارینے کہ وزیراعظم نا اپیل آ مچ آ ملک اٹی پِر اکن 26 جنوری جمعہ نادےآ نماز استسقاء ادا کننگک، پاکستان ایران نا نیام اٹ ساڑی آ بے چیٹی نا چٹفنگ کن پاکستان زموارانہ کڑد ادا کرے ہرادے مچ آ دنیا امنا کرے، حکومت پاکستان، عسکری سرکڑدہ و سلامتی نا ادارہ غاتا وخت آ کارروائی و مدبرانہ فیصلہ ستاکڑزک، دنیا نا مون آ بسنے کہ پاکستان نا دفاع بھاز سوگو ءِ۔ دوشنبے نادے آ داڑے پریس کانفرنس آن تران اٹی اوپارے کہ ماہ رجب حرمت و عظمت والا تُو ءِ دامقدس آ تُو اٹی ملک اٹی برجاخشک سالی نا چٹفنگ کن پِر اکن خصوصی دعا نا خواست ءِ کیوہ۔ دا چرجوئی ٹی وزیراعظم پاکستان انوارالحق کاکڑ نا اپیل آ مچ آ ملک اٹی 26 جنوری جمعہ نادے آ نماز استقاء ادا کننگک۔ طاہراشرفی پارے کہ ایران ننا ایلم اسلامی ملک ءِ ہڑتوم آ ملک آتا بھاز خڑکی تعلق ءِ۔ ایران اٹی بی ایل اے و بی ایل ایف نا دہشت گرد آتے شست کننگا ہرا پاکستان اٹی دہشت گردی ٹی اوار ئسر۔ مچ آ دنیا پاننگ ءِ کہ پاکستان اسہ زموار و امن پسند ملک اس مننگ نا شاہدی ءِ تس۔ اوپارے کہ داوخت آ پاکستان نا مچ آ عالم اسلام و ایلو یورپین ملک آتون رابطہ ءِ ۔ پاکستان تینا سلامتی آ ہچ ءُ سمجھوتہ کپک۔ پاکستان مدام دہشت گرد آتا مذمت ءِ کرینے۔ دنیا نا مون آ بسنے کہ پاکستان نا دفاع سوگو ءِ۔
