جان جوڑی نا بابت کروک آ گام گیج آک ستاکڑزرہ، ڈاکٹر ندیم جان

اسلام آباد۔ 22 جنوری (اے پی پی) نگران بنجائی وزیر قومی جان جوڑی ڈاکٹر ندیم جان پارینےکہ جان جوڑی نا بابت کروک آ گام گیج آک ستاکڑزرہ۔ دوشنبےنادے آ جاری تینا اسہ ٹویٹ اسے ٹی اوپارے کہ مسجد نبوی صلی اللہ علیہ و آلہ وسلم بیرہ اسہ عبادت گاہ اس اف بلکن معاشرتی نظام نا اسہ بشخ اس ئس ہراڑے بھاز انگا امور آک طے مسرہ۔ ڈاکٹر ندیم جان مستی پارے کہ نن دا خوانہ  دُن کہ مسجد نبوی صلی اللہ علیہ و آلہ وسلم  اٹی اسہ وخت اٹی چندی امور آک طے مسرہ ہمووڑاٹ اینو ہم دا نظام ءِ فعال کننگے و دارداٹ وزارت قومی جان جوڑی پبی کاریم کننگ ءِ تانکہ راج ءِ جان جوڑ و توانا کننگے۔