برسلز۔21جنوری (اے پی پی):بیلجیئم ءَ پاکستانی سفارتخانہ ءَ لاہور ءَبرجمیں سیمی انجینئرنگ اینڈ ہیلتھ شو ءَ بیلجیئم ءُ لکسمبرگ ءِ کمپنی آنی مزنیں کساس ءَ بھر زوری ءَ را ساڑاتگ۔ یک شمبے ءِ روچ ءَ بیلجیئم ءَ پاکستانی سفارتخانہ ءِ یک ٹویٹے ءِ رد ءَ شو ءَ 60 ءَ چہ گیش ملک آنی گشتانکار آں بھر زوری کتگ ءُپاکستان ءِ انجینئرنگ ءُ جان سلامتی ءِ شوبگ ءَ بے کساس موہ پٹ ءُ پول کتگ۔ یات دارگ بہ بیت کہ ٹریڈ ڈویلپمنٹ اتھارٹی آف پاکستان ءِ چیر دستی ءَ بست ءُ بندیں لاہور ایکسپو سنٹر ءَ 18 ءَ چہ 20 جنوری ءَ تاں انجینئرنگ اینڈ ہیلتھ کیئر شو2024 ءِ سیمی ایڈیشن برجم بوتگ ایشی ءِتہ ءَ 60 ءَ چہ گیش ملک آں گوں سیادی داروکیں سدانی کساس ءَ در ملکی گشتانکار ، نماش کنوک ءُجتا جتائیں صنعت آنی مزنین کساس ءَ سروک آں بھر زوری کت۔
