اسلام آباد۔ 19 جنوری (اے پی پی) نیشنل ڈیٹابیس رجسٹریشن اتھارٹی (نادرا) الس نا سلاہ تیا پاک آئی ڈی نا پوسکن آ ورژن ءِ جاری کننگ نا فیصلہ ءِ کرینے، پوسکن آ ورژن اٹی بائیومیٹرک تصدیق و ہوراَنا نشان نا تصدیق ناآسراتی ءِ ہم تننگ انگ ءِ۔ نادرا کمامدارآتا رداٹ الس نا سلاہ تے مون آتخسا، بروک آ ہفتہ ٹی پاک آئی ڈی نا پوسکن آ ورژن ءِ جاری کننگ انگ ءِ۔ پوسکن آ ورژن 3.0 درج ذیل گچینی و پوسکن آ خاصیت آتون ہراٹی اوار ءِ ہراٹی بائیومیٹرک و ہوراَناتصدیق نا آسراتی تون اوار اوار ایپلی کیشن ءِ بیرہ تینا ہی خاہوتی نا بندغ آتیکن کاریم اٹ اتنگ ، ایف آرسی و منسوخی سرٹیفکیٹ نا ڈاؤن لوڈنگ و فون آ محفوظ کننگ نا ودکی آسراتی اوار ءِ۔ آخبت نا ریلیز اٹی کریڈٹ/ڈیبٹ کارڈ آتیان بیدس چندی ڈیجیٹل ادائیگی نا آپشن و ایلودرکار خصوصیات آتے اوار کننگک۔
