دوحہ۔ 19 جنوری (اے پی پی) وزیراعظم نا خصوصی کمکار جواد سہراب ملک قطر انا وزیر مملکت داخلہ امور شیخ عبدالعزیز بن فیصل الثانی تون اوڑدہی کرے ہراٹی ہڑتوم آ کنڈآتا کمکاری، سیکورٹی تون اوار ایلو امور تیا سجفیر۔ اوڑدہی ٹی، خصوصی کمکار قطر انا وزیر مملکت داخلہ ءِ فیفاورلڈ کپ 2022نا سرسہب مہمانداری آ مبارکبادی تس۔ خصوصی کمکار قطر انا بنداوی پنجر نا شونداری ٹی پاکستانی پردیسی تا اہم کڑد ءِ مون آتخا۔ اوقطر انا اقتصادی جدت کاری ٹی کمک کن بے کچ کسبکار افرادی قوت نا فراوانی ءِ برجاتخنگ نا عزم کرے۔ اوقطر اٹی پاکستانی کارندہ غاتا پدریسہ ہن وبر ءِ پک کننگ کن بنائی ریسہ ٹی مچ آ پاکستان اٹی خاص وڑاٹ پشاور ولاہور اٹی ودی قطرویزاسینٹر (QVCs)نا جوڑ کننگ نا سلاہ تس۔ خصوصی کمکار غزہ کن قطرانا انسانی ہمدردی نا کوشست آتا ستاءِ کرے۔ جواد سہراب ملک قطر انا وزیر مملکت داخلہ ءِ دورہ ءِ پاکستان نا سلہ تس۔ قطرانا وزیر مملکت داخلہ پاکستانی و قطری الس نا اسیجائی قدر آ زور شاغسا قطرانا شونداری ٹی پاکستانی پردیسی تا نمان کڑد انا اعتراف ءِ کرے۔ اوڑدہی ٹی ہڑتوم آ ملک آتا نیام اٹ واپار، زرگزران و دفاعی کمکاری ٹی متکن آ تعلقداری تے تالان کرے۔ اوڑدہی ٹی خصوصی کمکار تون قطر اٹی پاکستان نا سفیر و کمیونٹی ویلفیئر اتاشی ہم ساڑی ئس۔
