کوئٹہ۔ 18 جنوری (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ مسلمان ہمسایہ ملک ایران نا بلوچستان نا سیمی علاقہ غا میزائل آتے اٹ جلہو پاکستان نا سالمیت و وتواجہی آ جلہو ءِ دا جلہو اٹی اِرا چنازوال کریر وخت ا س کہ مسہ مسڑ بھاز ٹھپی مسنو ایران نا پاننگ ءِ کہ دا جلہو اٹی او جیش العدل ءِ شست کریسس پاکستان ایران نا کنڈآن پاکستانی دونگ اٹ کروک آ دا کارروائی نا ترندی اٹ مذمت ءِ کیک اگہ پاکستان نا دنگ اٹ شکبر بندغ ، گروہ یا دہشت گرد اس ساڑی ئس تو ازخود کارروائی کننگ نا جاگہ غا پاکستان نا کمامدارآتے معلومدار کروسس۔ داڑے جاری مروک اسہ بیان اسے ٹی سینیٹر محمد عبدالقادر پارے کہ پاکستان نا دنگ اٹ داوڑنا کارروائی پاکستان نا وتواجہی آ جلہو ءِ ہندا سوب آن ایران ءِ دا کارروائی نا است جم ورندی اس تروئی مریک پاکستان و ایران نا نیام اٹ تعلقداری متوازن ءِ ہڑتوم آملک آتا نیام اٹ ہر کہول آ ورکنگ ریلیشن شپ ساڑی مننگ آن پد ہم ایران نا بلوچستان نا سیمی علاقہ ٹی داوڑناجلہو کننگ سگ انا قابل اف داوڑنا جارحیت آن ہڑتوم آملک آتا نیام اٹ تعلقداری بھاز خراب مریک ایرانی ناظم الامور ءِ دفترخارجہ غا بٹنگسا برانز ریکارڈ کرفنگے و واقعہ نا جاست وپاست ءِ کننگے اسہ ملک اس ہم تینٹ سٹی جلہو آتا استحقاق تخپک ۔ اوپارےکہ داواقعہ نا پورو زمواری ایران آ بیٹ مریک پاکستان نا دنگ اٹ داوڑنا کارروائی پاکستان نا زمواری ءِ نئے کہ پین ملک اسے نا، اگہ ملک اسے تون انٹیلی جنس رپورٹ ارے تو او پاکستان نا علم اٹی اتے پاکستان تینٹ داوڑنا باندات آتے ہرسا گچین گام گیج کے، بلاشبہ دہشت گردی جہانی ءُ ویل اس جوڑ مسنے، چندی ملک آتا نیام اٹ انٹیلی جنس آتا ہن و بربرجاءِ، ہرانا بنداو آ دہشت گرد آتا برخلاف کارروائی کننگک۔ چیئرمین قائمہ پارے کہ ایران بلوچستان اٹی کارروائی کرسا ہڑتوم آ کنڈآتا پت انا فضا ءِ بھاز نسخان تسنے ایران پنجگور اٹی دہشت گرد تنظیم جیش العدل نا مبینہ ٹھکانہ غاتیا میزائل و ڈرون اٹ جلہو کرینے پاسداران انقلاب نا پاکستان نا سیمی علاقہ غا جلہو ءِ است آن دننگ مفک دا جلہو پنجگور رائفل نا علاقہ سبز کوہ چیدگی سیکٹر اٹ مس پاکستان اٹ دہائی آن خوفناک دہشت گردی مننگ ءِ و پاکستان چاہک کہ دا دہشت گردی نا پد اٹ ہراواکدار آک کارفرماءُ اوکان پد ہم پاکستان ملک اسے نا دنگ انا خلاف ورزی ءِ کرسا داوڑنا جلہو آتیان مدام پاناد کرے مسخت بیرہ ہمسایہ غاتون تعلقداری تے بگاڑآن بچفنگ ئس ورنہ پاکستان ہم داوڑنا کارروائی تا حق ءِ محفوظ تخک پاکستان تینا وتواجہی آ ہچ ءُ سمجھوتہ اس کپک۔
