کراچی۔ 18 جنوری (اے پی پی) نگران بنجائی وزیر حوالکاری ، شینکاری و پارلیمانی امور مرتضیٰ سولنگی پنچ شنبے نادے آ داڑے سینئر صحافی بابر ایاز نا کزیت آ ایماندارنا خاہوت تون ہڑزخواہی کن اونا اُراغا ہنا۔ وزیرحوالکاری سندھ محمد احمد شاہ ہم اوڑتون اوار ئسک۔ بنجائی وزیر حوالکاری ایماندار بابر ایاز نا روح انا ثواب کن دعاپاتیاکرے و بابر ایاز نا صحافی خذمت آتیا اودے خراج عقیدت پیش کرے۔ داوخت آ گپ وتران کرسا بنجائی وزیر حوالکاری پارے کہ بابر ایاز اسہ مخلص ، امن پسند و جمہوریت پسند ءُ انسان اس ئس، بابر ایاز نا صحافی خذمت آتے مدام یات تخنگک۔ اودعاکرے کہ اللہ تعالیٰ ایماندار ءِ جنت اٹ بڑزکو ہند اس و خاہوت ءِ صبر و جمیل عطاکے۔
