کوئٹہ۔ 18 جنوری (اے پی پی) آئی بی سی سی IBCCنا مچ آ پاکستان اٹی غٹ آن مست SLOپیسڈ امتحان ہلنگ نا سرسہب پالیسی ءِ تینا کننگ آ بلوچستان بورڈ انا چیئرمین میر اعجاز بلوچ ءِ سفتی لیٹر جاری کرساپارینے کہ بلوچستان بورڈ انا چیئرمین میر اعجاز احمد بلوچ نا مثبت گام گیچ پاکستان نا ایلو بورڈ آتیکن کسر نا ڈیوا و آخبت اٹ اواری اٹ کاریم کننگ نا درشانی ءِ کرے ای اولیکو وار ایس ایل او آ تالان امتحان تا اڈتننگ نا سرسہب پالیسی ءِ تینا کننگ آ بلوچستان بورڈ انا چیئرمین اعجاز بلوچ ءِ سفتی چٹھی اس نوشتہ کرینے و آخبت اٹ اواری اٹ کاریم کننگ نا درشانی ءِ کرے۔ انٹربورڈکوآرڈی نیشن کمیشن (IBCC)نا کنڈآن BBISEنا ستاءِ کینہ۔ کوئٹہ فزکس و کیمسٹری نا مضمون تیٹی SSC و HSSCنا کلاس آتا اولیکو ریسہ ٹی سیشن 2024-25آن امتحان تا اڈتننگ اٹ SLOنا بنداو آ تشخیص نا بارواٹی IBCCفورم نا قرارداد ءِ نافذ کرینے۔ داوخت آ اے پی پی تون گپ وتران کرسا بلوچستان بورڈ انا چیئرمین میر اعجاز عظیم بلوچ پارے کہ ٹیم انا است انا حب اٹ منت واری ءِ ہرفنگ خواوہ ہرا BBISEٹی دا بھاز المی گام ءِ درستی راستی کرفینے کنے اومیت ءِ کہ نم IBCCفورم نا اہم قرارداد آتیا سہی وڑاٹ عملدرآمد کرسا تعلیمی نظام ءِ گچین کننگ کن کاریم ءِ برجاتخنہ۔ چیئرمین بلوچستان بورڈ آف انٹرمیڈیٹ اینڈ سیکنڈری ایجوکیشن میر اعجاز عظیم بلوچ امتحانی نظام ءِ پوسکن آ وڑتتون ہم گرنچ کننگ کن خودکار ڈیجیٹل سسٹم اس درستی راستی کرفنگا و ڈیجیٹل اٹینڈنس اینڈ مانیٹرنگ سسٹم ‘‘ڈیمز’’ انا رداٹ امتحانی عملہ، و امتحان تیٹی شریک طالب علم آتون اوار مانیٹرنگ اسٹاف نا ریئل ٹائم آن لائن حاضری پوسکن آ خودکار ڈیجیٹل سسٹم اتون اوار اوار بلوچستان بورڈ اٹی اصلاحات نا عمل برجاءِ و ننا کوشست ءِ کہ اصلاحاتی ڈٹ آتے عملی دروشم اس ترسا بورڈ انا امور نا بابت الس ءِ زیات آن زیات آسراتی اوفتا درجہ غا سرکننگک داکان مست آن لائن ڈگری، ڈی ایم سی نا جاری کننگ، سند آتا تصدیق و ری کاؤنٹنگ پروسیجر نا آسراتی ءِ فراوان کننگانے اوپارے کہ ڈیمز ایپ’’نا باقاعدہ بنامہالو آن کننگانے دا پوسکن آ سٹم نا رداٹ بلوچستان نا غٹ امتحانی مرکز آتیٹی متعین عملہ نا حاضری ءِ سد درسد پک کننگ مریک۔
