ڈیووس۔ 18 جنوری (اے پی پی) نگران وزیراعظم انوار الحق کاکڑ تون سعودی عرب نا وزیر خارجہ فیصل بن فرحان بن عبداللہ ڈیووس اٹی جہانی فورم نا سالانہ دیوان نا وخت آ اوڑدہی کرے و ہڑتوم آملک آتا نیام اٹ ہڑتوم آ کنڈآتا تعلقداری ءِ سوگو کننگ نا بابت امور آ گپ وتران کننگا۔ وزیراعظم آفس نا میڈیا ونگ آن جاری بیان نا رداٹ وزیراعظم پاکستان و سعودی عرب نا نیام اٹ خڑکی برادرانہ تعلقداری نا تزویراتی اہمیت آ زور شاغا ہرااسیجائی دودوربیدہ ئی میرات و اسیجائی فائدہ غاتون تفوک ءُ۔ اوداہیت آ زور شاغا کہ پاکستان واپار، زرکاری و السی رابطہ غاتون اوار ہڑتوم آ کنڈآتا تعلقداری تے پین سوگو کننگ نا خواہندار ءِ۔ وزیراعظم خادم الحرمین شریفین نا کماشی نا ستاءِ کرسا پارے کہ پاکستان نا الس سعودی عرب نا سرکڑدہ و الس کن بھاز شرف و جوزہ تخک۔ وزیراعظم انوارالحق کاکڑ و سعودی وزیرخارجہ اوڑدہی ٹی علاقائی حالیت آتیاہم گپ وتران کرے۔ وزیراعظم انوارالحق کاکڑ پارے کہ ہڑتوم آ ملک آتا نیام اٹ خڑکی ایلمی تعلقداری علاقائی سوگوی نا ذریعہ ءِ۔

متعلقہ مضامینمصنف کی طرف سے مزید