ڈیووس۔ 17 جنوری (اے پی پی) نگران وزیراعظم انوارالحق کاکڑ و اونا بیلجیئم نا ہم منصب الیگزینڈر ڈے کروو ہڑتوم آ ملک آتا نیام اٹ ودوک آ واپاری و اقتصادی تعلقداری آ است جمی نا درشانی ءِ کرسا واپار ، زرکاری، جہانی ہن و بر و ہمپ و بٹ و بڑزکو تعلیم اٹی کمکاری ءِ ودفنگ آ امنا کرینو۔ چارشنبے نادے آ وزیراعظم آفس نا میڈیا ونگ آن جاری بیان …
نگران وزیراعظم انوارالحق کاکڑ و بیلجیئم نا وزیراعظم الیگزینڈر ڈے کروونا اوڑدہی، واپار، زرکاری، جہانی ہن و بر و ہمپ وبٹ و بڑزکو تعلیم اٹ کمکاری ءِ ودفنگ آ امنا
گیشتریں ھال
ڈیووس۔ 17 جنوری (اے پی پی) نگران وزیراعظم انوارالحق کاکڑ و اونا بیلجیئم نا ہم منصب الیگزینڈر ڈے کروو ہڑتوم آ ملک آتا نیام اٹ ودوک آ واپاری و اقتصادی تعلقداری آ است جمی نا درشانی ءِ کرسا واپار ، زرکاری، جہانی ہن و بر و ہمپ و بٹ و بڑزکو تعلیم اٹی کمکاری ءِ ودفنگ آ امنا کرینو۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ نگران وزیراعظم انوارالحق کاکڑ تون ڈیووس اٹی جہانی اقتصادی فورم نا وخت آ بیلجیئم نا وزیراعظم الیگزینڈر ڈے کروواوڑدہی کرے۔ ہڑتوم آ راہشونک پاکستان و بیلجیئم نا نیام اٹ سفارتی تعلقداری نا 75 سال پورو مننگ نا ذکر ءِ کرسا ہڑتوم آ ملک آتا نیام اٹ ودوک آ واپاری و اقتصادی تعلقداری آ است جمی نا درشانی ءِ کریر۔ اوڑدہی ٹی ہڑتوم آ راہشونک پاکستان و بیلجیئم نا نیام اٹ بڑزکو کہولی گپ وتران نا مون آ دننگ و تین پہ تینی است خواہی نا چندی بشخ خاص وڑاٹ واپار ، زرکاری، جہانی ہن و بر و ہمپ و بٹ و بڑزکو تعلیم اٹ کمکاری ءِ ودفنگ آ امنا کریر۔ اوڑدہی ٹی جہانی و علاقائی حالیت آتیا ہم گپ وتران کننگا۔
