ڈیووس۔ 17 جنوری (اے پی پی) نگران وزیراعظم انوارالحق کاکڑ ورلڈ اکنامک فورم نا 54 می سالانہ دیوان نا وخت آ بل اینڈ میلنڈا گیٹس فاؤنڈیشن نا شریک چیئرمین بل گیٹس اتون اوڑدہی کرے ، پاکستان اٹ راجی کمکاری نا چندی گام گیج آتیا گپ وتران کرے و مچ آ ملک اٹی کوشست آتےے ودفسا اوفتا بھرم تے پین سوگو کننگ نا گرج آ زورشاغا۔ چارشنبے نادے آ وزیراعظم آفس …
نگران وزیراعظم انوارالحق کاکڑ تون بل گیٹس انا اوڑدہی، مچ آ پاکستان اٹی راجی کمکاری نا فائدہ غاتے پین سوگو کننگ نا گرج آ زور
گیشتریں ھال
ڈیووس۔ 17 جنوری (اے پی پی) نگران وزیراعظم انوارالحق کاکڑ ورلڈ اکنامک فورم نا 54 می سالانہ دیوان نا وخت آ بل اینڈ میلنڈا گیٹس فاؤنڈیشن نا شریک چیئرمین بل گیٹس اتون اوڑدہی کرے ، پاکستان اٹ راجی کمکاری نا چندی گام گیج آتیا گپ وتران کرے و مچ آ ملک اٹی کوشست آتےے ودفسا اوفتا بھرم تے پین سوگو کننگ نا گرج آ زورشاغا۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ نگران وزیراعظم انوارالحق کاکڑ بل اینڈ ملینڈا گیٹس فاؤنڈیشن نا پاکستان تون خاص وڑاٹ جان جوڑی، راجی گام گیج و مالیاتی شمولیت کون آ بشخ آتیٹی اونا اہم کمکاری تون اوار اوار کورونا دین و 2022نا نوکاپ اٹی کمکاری نا ستاءِ کرے ۔ وزیراعظم و بل گیٹس پاکستان اٹ راجی کمکاری نا چندی گام گیج آتیا گپ وتران کریر و مچ آملک اٹی کوشست آتے ودفسا اوفتا بھرم تے پین سوگو کننگ نا گرج آ زور شاغار۔ وزیراعظم نیزگاری و غذائی کاختی تون مون تننگ کن حکومت نا اسیجائی کوشست آتا ہم خاکہ اس پیش کرے۔
