ڈیووس۔ 17 جنوری (اے پی پی) نگران وزیراعظم انوارالحق کاکڑ پارینے کہ خصوصی زرکاری سہولت کونسل (ایس آئی ایف سی ) پیشن نا ملک رہینگوک پاکستانی و درملکی تے پاکستان اٹ زرکاری کن راغب کننگ اٹ اہم ءُ کڑد اس ادا کننگ ءِ، ایس آئی ایف سی نا درملکی زرکارآتا پت سازی ٹی اہم ءُ کڑد اسے۔ داخیال آتا درشانی ءِ او چارشنبے نادے آ جہانی اقتصادی فورم نا 54 …
خصوصی زرکاری سہولت کونسل نا درملکی زرکارآتا پت سازی ٹی اہم ءُ کڑد اسے، نگران وزیراعظم انوارالحق کاکڑ نا پاتھ فائنڈرز بریک فاسٹ نا دود اٹی بشخ ہلوک آتا سوج آتا ورندی ءِ تس
گیشتریں ھال
ڈیووس۔ 17 جنوری (اے پی پی) نگران وزیراعظم انوارالحق کاکڑ پارینے کہ خصوصی زرکاری سہولت کونسل (ایس آئی ایف سی ) پیشن نا ملک رہینگوک پاکستانی و درملکی تے پاکستان اٹ زرکاری کن راغب کننگ اٹ اہم ءُ کڑد اس ادا کننگ ءِ، ایس آئی ایف سی نا درملکی زرکارآتا پت سازی ٹی اہم ءُ کڑد اسے۔ داخیال آتا درشانی ءِ او چارشنبے نادے آ جہانی اقتصادی فورم نا 54 می دیوان نا وخت آ پاتھ فائنڈرز بریک فاسٹ نا دود اٹی بشخ ہلوک آتا سوج آتا ورندی ءِ ترساکرے۔ دابابت وزیراعظم آفس نا کنڈآن سوشل میڈیا ایکس آدا دود انا ویڈیو ءِ شیئر کننگانے۔ ویڈیو ٹی نگران وزیراعظم انوارالحق کاکڑ پارے کہ ایس آئی ایف سی ایلو ادارہ غاتون اواری اٹ کاریم کننگ ءِ، پاک فوج اتون اوار حکومت نا غٹ ادارہ غاک دانا بشخ ءُ ، پاک فوج درملکی زرکارآتا رکھ اتون اوار ایلو امور اٹی کمک فراوان کننگ ءِ، ایس آئی ایف سی نا درملکی زرکار آتا پت سازی ٹی اہم ءُ کڑد اسے۔
