ڈیووس۔16جنوری (اے پی پی): ادارکی مزن وزیر انوارالحق کاکڑ ءُ لبنان ءِ مزن وزیر نجیب میقاتی ءَ دو نیمگی یکوئی آناں مھکم کنگ ءِ جزم ءِدرشان ءُ کودکیں فلسطینی ھاسیں رنگ ءَ زھگ ءُ زالبول آنی سر ءَ زوراکی ءِ ھوالگ اسرائیلی ظلم آنی بابت ءَ نہ وشی ءِ درشان کتگ۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ادارکی مزن وزیر انوارالحق کاکڑ ءَ میاں اوستمانی اقتصادی فورم ءِ 54 پنجا ہ ءُ چارمی سالروچی دیوان ءَ بھر زوری ءِ موہ ءَ لبنان ءِ مزن وزیر نجیب میقاتی ءَ گوں گند ءُ نند کتگ۔ گند ءُ نند ءَ دوئیں سروک آں پاکستان لبنان دو نیمگی یکوئی آناں مھکم کنگ ءِ جزم ءِ درشان کتگ۔
