کوئٹہ۔ 17 جنوری (اے پی پی) کوئٹہ زرغون روڈآ ساجد ہسپتال نا خڑک کچرہ غاتا ڈھیر اٹی دھماکہ ٹی 5 چناڑتون اوار 9 بندغ ٹھپی مسنو۔ پولیس نا رداٹ چارشنبے نادے آ کوئٹہ نا اختہ انگا زرغون روڈ آ ساجد ہسپتال نا خڑک کچرہ غاتا ڈھیر اٹی اناگت اسہ زور دار ءُ دھماکہ اس مس ہراٹی نصیب اللہ وئی 45 سال، موسیٰ وئی 13 سال، عنایت وئی 10 سال، یاسر وئی 14 سال ، ماہ اقبال وئی 25 سال، عبدالماجد وئی 10 سال عبدالستار وئی 35 سال ، جمیل وئی 35 سال وخت اس کہ اسہ نادرست اس ہرانا وئی 12 سال پاننگانے ٹھپی مسنو۔ حوال ملنگ تون واقعہ نا جاگہ غا پولیس و ایدھی ایمبولینس سرمرسا غٹ ٹھپی تے سول ہسپتال ٹراماسینٹر آ گدریفیر ہراڑے اوفتے طبی امداد تننگ انگ ءِ۔ داوخت آ میڈیا تون گپ وتران کرسا ایم ڈی ٹراما سینٹر ڈاکٹر ارباب کامران پارے کہ زرغون روڈ بمب دھماکہ ٹی ٹھپی مروک آ بندغ آتے دمدستی و گچین طبی آسراتی فراوان کننگ انگ ءِ۔ داتم اسکان ٹراما سینٹر اٹ 9 ٹھپی تے اتنگانے۔
