اسلام آباد۔ 17 جنوری (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ آئی سی یوٹی داخل ناجوڑ آتے کن کاریم اٹ اتوک آ 4 دوائی تا نہاد آتیٹی کمتی نا منظوری ءِ تننگانے، جعلی و ان رجسٹرڈ دوائی تا برخلاف کریک ڈاؤن ہم برجاءِ۔ چارشنبے نادے آ وزارت جان جوڑی آن جاری بیان نا رداٹ ڈاکٹر ندیم جان پارے کہ کیبنٹ 4 دوائی تا نہاد آتیٹی کمتی نا منظوری ءِ تسنے و دا دوائی تے آئی سی یو ٹی داخل ناجوڑ آتیکن کاریم اٹ اتنگک۔ اوپارے کہ کولیسٹی متھیٹ سوڈیم نا نہاد 55 آن 65 درسد کم ءِ۔ 1 ملین یونٹ انجکشن نا نہاد 2987 آن کم مرسا 1036 روپئی مسنے۔ ڈاکٹر ندیم جان پارے کہ 2 ملین یونٹ انجکشن نا نہاد 4564 روپئی آن کم مرسا1737 روپئی مسنے، مسہ ملین یونٹ انجکشن نا نہاد 5855 آن کم مرسا 2591 روپئی مس۔ ڈاکٹر ندیم جان پارے کہ جعلی و ان رجسٹرڈ دوائی تا برخلاف کریک ڈاؤن برجاءِ۔ اوپارے کہ مشکل حالیت آتا مون تروک چیلنج آتیان پد ہم الس ءِ ریلیف تننگ کن سنبرینگوک اُن۔
