بیجنگ۔ 17 جنوری (اے پی پی) چین اٹی پاکستان نا سفیر خلیل ہاشمی دودوربیدہ ئی و اقتصادی کمکاری ءِ پین ودفنگ کن سویل دیکی چین نا اقتصادی و دودوربیدہ ئی مرکز سیچوان نا دورہ ءِ کرے۔ دادورہ ٹی او صوبائی سرکڑدہ، کاروباری ادارہ، تعلیم نا چاہندار، پاکستانی کمیونٹی و چینی میڈیا تون اوڑدہی کرے۔ چینی کمامدارآتون اوڑدہی ٹی فریق آک پاک چین تعلقداری نا سوگو وڑآ است جمی نا درشانی …
چین اٹی پاکستانی سفیر خلیل ہاشمی نا دودوربیدہ ئی، اقتصادی کمکاری ءِ ودفنگ کن سیچوان شار انا دورہ
گیشتریں ھال
بیجنگ۔ 17 جنوری (اے پی پی) چین اٹی پاکستان نا سفیر خلیل ہاشمی دودوربیدہ ئی و اقتصادی کمکاری ءِ پین ودفنگ کن سویل دیکی چین نا اقتصادی و دودوربیدہ ئی مرکز سیچوان نا دورہ ءِ کرے۔ دادورہ ٹی او صوبائی سرکڑدہ، کاروباری ادارہ، تعلیم نا چاہندار، پاکستانی کمیونٹی و چینی میڈیا تون اوڑدہی کرے۔ چینی کمامدارآتون اوڑدہی ٹی فریق آک پاک چین تعلقداری نا سوگو وڑآ است جمی نا درشانی ءِ کریر۔ اوفک پاکستان چین(سیچوان) کمکاری و شریداری ءِ ودفنگ نا سلاہ تیا گپ وتران کریر۔ چائنا اکنامک نیٹ (سی ای این) خبرنا رداٹ ، سفیر ہاشمی سیچوان یونیورسٹی نا صدر تون ہم اوڑدہی کرے، ہراٹی ہڑتوم آ کنڈآتا تعلقداری تے مون آ دننگ اٹ علمی پٹ وپول و اسکالر شپ نا اہمیت ءِ تالان کرے۔ پاکستان نا برآمد آتے ودفنگ و چینی زرکاری ءِ اتنگ آ اہم چکار اتون ، سفیر کشت وکشار، ڈیری، الیکٹرانکس و لاجسٹکس کون آبشخ آتیٹی چندی کاروباری ادارہ غاتون گپ وتران کرے۔ اوصوبائی چائنہ کونسل فارپروموشن آف انٹرنیشنل ٹریڈ(سی سی پی آئی ٹی ) ناکنڈآن زرکاری نا گول میزاٹی ہم بشخ ہلک و کاروباری ادارہ و کاروباری ادارہ غاتے خراج نا آجو نظام آن فائدہ ہرفنگ و پاکستان اٹ برآمد آتیا تالان صنعت آتیٹی زرکاری کننگ نا ترغیب تس۔ اوچین اٹی مون تروک آ182 ٹن پاکستانی خشک مرچ آتا اولیکو کھیپ انا خیرمقدم ءِ کرے و اوپاکستان نا شار ملتان و چین نا نیجیانگ نا تین پہ تینی تعلقداری کن است خواہی نا درشانی نا چٹھی آ دستخط نا دود اٹی بشخ ہلک۔
