کوئٹہ۔ 16 جنوری (اے پی پی)پاکستان مسلم لیگ (ن) نا راہشون و بلوچستان اسمبلی نا حلقہ پی بی 44 آن اومیتدار حاجی میر نوراللہ لہڑی، زالبول ونگ انا راہشون فاطمہ خان و میر بہادر خان لانگو ئسک پارینو کہ قائد میاں محمد نواز شریف مدام ملک انا گچینی شونداری و السی شونہالی کن عملی گام گیج کرے الس نا ویل آتا ایسری، علاقائی شونداری وشونہالی و الس ناحق انا رکھ اکن ننا جہد برجاسلک، الس 8 فروری آ مسلم لیگ (ن) نا اومیتدار آتا گچین کاری نشان ’’شیر‘‘ آ مہر خلسا اوفتے سرسہب کیرتانکہ شونداری نا سفر نا دُوارہ بناءِ کننگ مرے۔ داہیت ءِ او سے شنبے نادے آ کلی جیوروشن آباد و دہوار کالونی کرانی روڈ آ کارنر میٹنگ و شمولیتی پروگرام آن تران کرساپاریر ، داوخت آ حاجی سید محمد بڑیچ، محمد ابراہیم مینگل،محمد علی مینگل، محمد اشرف مینگل،حاجی میران لہڑی، حاجی ہدایت اللہ بنگلزئی،حاجی خدائے نظر بڑیچ،حاجی پائند خان مری، فتح محمد محمدشہی،حاجی خیر بنگلزئی، نادر شاہ،اختر محمد ساسولی،نور محمد بڑیچ، حاجی نور محمد ساسولی،عطا محمد ساسولی، سیف اللہ مینگل،غلام حیدر مینگل،محمد عامر مینگل، ثناء اللہ مینگل،صابر شاہ جہانگیر،حاجی عبدالرسول دہوار،ملک لقمان دہوار، ملک زکریہ دہوار، ماسٹر شبیر دہوار، فیصل رند،ملک ہارون دہوار، سلمان علی زئی، ملک ثابت دہوار،محمد نبی بخش دہوار،ملک عاقب دہوار،مہراللہ لہڑی،حبیب اللہ لہڑی تون اوار ایلو قبائلی سرکڑدہ غاک چندی سیاسی جماعت آتیان استیفہ ترسا مسلم لیگ(ن) اٹی شمولیت و حاجی میرنوراللہ لہڑی نا مخ تفی نا پڑو ءِ کریر۔ اوفک پاریر کہ تحریک انصاف اقتدار آ کوزہ کرسا ملکی زرگزران و شونداری ءِ بھس کرے عمرانی ٹولہ نا غلط پالیسی تا سوب آن ملک خواتہ مننگ نا خڑک آ سرمسوسس پاکستان مسلم لیگ (ن) 16 تُو انا اقتدار اٹی ملک ءِ خواتہ مننگ آن بچفے۔ اوفک پاریر کہ مسلم لیگ (ن) ہمو اسٹ انگا سیاسی و جمہوری جماعت ءِ ہرا الس نا بے رنگ و نسل خذمت آ یخین تخک و پارٹی تینا دور اقتدار اٹی بھلا بھلا شونداری ڈٹ آتا بناءِ کرے۔ اوفک پاریر کہ الس 8 فروری آ مسلم لیگ (ن) نا اومیتدار آتا گچین کاری نشان ’’شیر‘‘ آمہر خلسا اوفتے سرسہب کیر تانکہ ملک اٹی سلوک آ شونداری نا سفر نا دُوارہ بناءِ کننگ مرے۔
