کوئٹہ۔ 16 جنوری (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور ناماہر سینیٹر محمد عبدالقادر پارینے کہ امریکہ نا ایماآ برطانیہ اوغانستان اٹی تینا سفارت خانہ ملنگ کن تیار مننگ ءِ اوکان پد ایلو ملک آک و امریکہ تینٹ اوغانستان اٹی تینا سفارت خانہ و قونصلیٹ اس ملک ہنداوڑ اوغانستان نا طالبان حکومت ءِ باضابطہ تسلیم کننگک بے شمار بے اعتدالی ، بد انتظامی و سیاسی ، سفارتی و راجی خلاف ورزی تیان پد ہم اوغان طالبان حکومت ءِ امنا کننگ اوفتا بھاز بھلو سرسہبی اس مریک۔ داڑے جاری مروک اسہ بیان اسے ٹی سینیٹر محمد عبدالقادر پارےکہ اوغانستان نا طالبان حکومت ءِ زالبول و اقلیت آتا حق انا بابت تینا رویہ ءِ یکسر بدل کروئی مریک، طالبان تے برطانیہ تون اوار ایلو یرغمالی تے یلہ ہم کروئی مریک ، برطانوی وزیر امور خارجہ اینڈ ریومچل برطانوی حکومت اوغانستان اٹی تینا سفارت خانہ ءِ ملنگ نا بارواٹی سنجیدگی اٹ سجفنگ ءِ اوکان پد کہ داوخت آ اوغانستان اٹی سیاسی و امن و ایمنی نا حالیت آک مثالی افس ولے ولدا ہم برطانیہ علاقائی امن و سوگوی کن داوڑنا مثبت فیصلہ کننگ کیک۔ اوپارے کہ سفارتی کہول آ طالبان حکومت ءِ غٹ آن مست چین تینا سفیر کابل اٹی تعینات کرے اوکان پد برطانیہ نا سفیر کابل نا تعیناتی نا گمان روشنا مسنے ہنداوڑاٹ برطانیہ نا تقلید کرسا ایلو ملک آک ہم طالبان حکومت ءِ منرہ تو طالبان تا دا بھاز بھلو سرسہبی اس گوندنگک پاکستان ءِ ہم بادل نخواستہ اوغانستان نا طالبان حکومت ءِ امنا کروئی مریک پاکستان و اوغانستان نا نیام اٹ سیاسی و سفارتی کہول آ تعلقداری وخت اس ہم آئیڈیل متنے۔ چیئرمین قائمہ کمیٹی پارے کہ حامد کرزئی و اشرف غنی نا دور تیٹی ہم اوغانستان نا تعلقداری پاکستان تون مثالی وڑنا الورہ ولے ہراتم آن 2021اٹی طالبان اقتدار اٹی بسنو پاکستان و اوغانستان نا نیام اٹ بے چیٹی و تناؤ ٹی ودکی ہی مسنے۔ پاکستان وخت اس کہ اوغانستان تون زیادتی کتنے ولے نن خنانن کہ پاکستان آ اوغانستان آن پدریسہ جلہو مننگ ءِ پاکستان اوغانستان نا دا نامناسب رویہ ءِ سگساکرینے ولے پاکستان نا سگ انا پین امتحان ءِ ہلنگپ پاکستان تینا سیم و الس نا رکھ انا حق ءِ محفوظ تخک ، طالبان تے بحر صورت تینا رویہ ءِ بدل کروئی مریک تانکہ ڈیہہ انا امن برجاسلنگ کے۔
