اینٹی نارکوٹکس فورس انا ملک گیر انسداد منشیات کارروائی، منشیات دوئی، 9 دوبہ دار دزگیر

راولپنڈی۔ 16 جنوری (اے پی پی) اینٹی نارکوٹکس فورس ملک گیر 7 انسداد منشیات کارروائی تیٹی 211 کلوگرام منشیات دوئی کرسا 9 دوبہ دار آتے دزگیرکرے۔ اے این ایف ترجمان نا رداٹ اسلام آباد بالی پٹ آ بذریعہ جہاز نمبرPK-181شارجہ غا ہنوک آ مسافر اسے آن 2.5 کلوچرس دوئی کننگا۔ باچاخان ایئرپورٹ آ بذریعہ جہاز PK-2017ابوظہبی آ ہنوک آ مسافر اسے نا پڈ آن 5 چرس آن پُر کیپسول دوئی کننگا۔ کوہی چوک خیبرنا خڑک 200.4 کلوچرس دوئی کرسا اِرا دوبہ دار ءِدزگیرکرے۔ ایئرپورٹ روڈ کوئٹہ نا خڑک دوبہ دار اسے آن 6 کلوچرس دوئی کننگا۔ لیک ویو پارک اسلام آباد نا خڑک دوبہ دار اسے آن 1.180 کلو چرس دوئی کننگا۔ کینٹ اسٹیشن کراچی نا خڑک دوبہ دارا سے آن 900 گرام ویڈ بردوئی کننگا۔ پاک اوغان بارڈرچمن نا خڑک دوبہ دار اسے آن 50 دانہ ایکسٹیسی (نشہ ئی ) گولی دوئی کننگا۔ ترجمان اے این ایف پارے کہ دزگیر دوبہ دار آتا برخلاف انسدادِ منشیات ایکٹ انا رداٹ مقدمہ درج کرسا جاست وپاست نا بناءِ کننگانے۔